November 30 ni’n Pope Leo XIV in international Apostolic Journey azin masahna azouta hi. Ni li sung Turkey a ahawna in Khristiente kipumkhatna leh pawlpi dangte toh kihoukhawmna lientah in akilangsah hi.
Pu Pope zinna thupi pen ahileh Nicaea Council kum 1,700 achinna lawm ding ahi. Masanglai council umna mun Iznik a azinna ah Pope Leo XIV Ecumenical Patriarch Bartholomew I a ecumenical thungetna ah apang hi.
Istanbul ah chuan Pope in tuolsung biehna pawlpi dang dangte hatna amu a, November 29 a Volkswagen Arena a Mass nei na ah Pope Leo in, "mawsutna tuomtuomte leh nam tuom tuomte lim" zangin latna anei hi. Liturgy pen khawvel pum huop pawlpi etsahna ahia, Turkey gam a Katholik pawlpimi tawm tama leh akaikhawm hi.
"Belam tawmte nahi uhi, himananleh leitung chi nahi uhi," chi’n Pope in mi pawlpi mite kungah agen a, khosung/gamsungah tawmzo tama uleh “kinepna thuhiltu” hizing un chi’n ahantawh hi.
Suolam leh tumlamte kikal dinga leih (Bridge)
Ama msanga Popete nuazui zelin Pope Leo XIV in Blue Mosque (Sultan Ahmed Mosque) vena anei hi. Zana etsahna hunsip tawmkhat aneisung un Muslim lamkaite gei ah ading a, Suolam leh tumlam kikal tualeh Islam leh Khristiente adinga Turkey gam poimaw dante akilangsah hi.
Tu masang in Ankara ah Pope in Turkey-in "natural vocation" a nei khu kimutuona gam ahi thu ana patat hi. Lemna siamtu hidingin ngetna anei a, adieh in Middle East leh Eastern Europe a buainate peingte kikal a lemna siam a pang dingin angen hi.
Tun Pope Leo anivei nadinga Apostolic Journey azinna ding Lebanon lam kihei in, Turkey gam a biehna thungetnate leh khawvel kinpumkhatna dinga kinepna a keng hi.
Translated by: William Zo
