Pope Leo XIV in Jakarta a FABC Assembly a India a Cardinal Gracias Envoy poimo khat ading in aguat hi.
Pope Leo in Cardinal Oswald Gracias emeritus Archbishop of Bombay, western India khu Jakarta, Indonesia, a July 20 apat 26, 2026 sunga umding FABC Plenary Assembly 12 veina dinga nasep poimo mama khat ding in aguat hi.
Lekhathot agel na ah, Pope Leo in Asia Gambuppi sung a Pawlpi akhan tou zing ding leh pawlpi miten leitung hinkhuo apoimo dan a theiding uh a kinep thu agen hi.
Asia gam buppi a pawlpi kivaipuona ngaituo pum in Pope Leo XIV in Bishop te leh pawlpi mite kung ah, ginna leh thutah na ain tam leitung a hing vai hawm zing ding in achiel hi.
Amana gen be na ah, hun nanei lai pet un na nasep na ua na khut uh abua ding zau sih un” achi hi. Pawlpi mite kung ah thumna leh hakat n ate a tam leitung dinmun ajo thei na ding un achial hi.
PAwlpi sung ah Pasian alai a ikoi zing ding uh chin agen a migenthei te , nihatlou te, galtaite leh naupangte ikhosung ua lungsietna toh I etkol zing ua tha ipieh zing ding uh achi hi.
Psalm 85:11 in agen ma bang in Pope Leo XIV in leitung pumpia um mite kung ah mi hepina, dihtatna nasep leh kilemna a kituoding achi hi.
Mipi ten jong Biehna khu mipi gomkhom leh huaitu a pang zaw ding in achial ua kikhen tuona leh khat tang ki lungsietna tuntu ahi sang in.
Cardinal gracias Bombay a Archibishop ana hisa, kum 2006-2025 tan adia khu Asia gambuppi a pawlpi phattuom nadia pan nasatah a ana la te lah a khat ahi. Aman Catholic bishop Conference of India ajong lamkai hina President ana tungai hi. Tuo leh Vatican Key Advisory bodies a member in jong ana pang hi.
Pope thakhel a inei u ahijieh in Cardinal Gracias in siengthou pumpi latna anei dinga, Pu Pope in FABC khawmpi a hing pang te kung a athugen te ang phuangjah ding hi.
A 12 veina Plenary Assembly in Asia gambuppi a Bishop te ang hankhawm ding a thupi khat nuai a” “The Call to Synodal Conversion and the Mission to be Bridges and Bridge-builders in Asia,” pasian gam keh let be na ding in leh hamtuom namtuom tuom te tung a kituoh na leh kilem na, pankhomna aum thei na ding in.
