Rome khuopi a “Parish Priests for the Synod” international meeting akinei jou in Pope Francis in siempute pawlpi kizuikhawmna dinga pan lading leh lamkai hiding in ngetna anei hi.
“Pawlpi kizuikhawm thei nadingin siempute pan lahna apoimaw mama a, atamthei pen a siempute’n pan alah ding uh akisam hi. Tuajiehin tuni’n tami kizuikhawmna a pan ladingin siempute kungah chielna kang nei ahi,” chi’n Pope Francis in lai ah agiel hi.
Na Parish chiet ua natun chieng un na sepkhawmpi siempute toh tami kizuikhawmna a pan ladingin hanchiem chiet un, Parish sungah kikupkhawmna nei unlen nasepnate ah tami kizuikhawmna a omthei nadingin Pasian thu toh kituoh in na sem un,” chi’n agile kia ahi.
“Na Bishopte utoh kikum unlen Pope Francis in tami pawlpi kizuikhawmna a pan lading leh nasem dinga tauvuon ei pieh ahi chi’n gen uh,” chi’n Pope Francis in alai ah agiel kia hi.
Tualeh Pope Francis in Rome khuopi a tami kikupkhawmna a hing tel te kungah, “Leitung pumpia Parish Priest jousie kungah tami pawlpi kizuikhawmna a pan ladingin lai ka lha tahi,” chi’n agen hi.
