Apeisa December 3, Nipi ni’n Southern Philippines a state university ah mass siengtho kinei laitah in bomb poh jieh in mi 4 in sina atuoh a tualeh 40 val aliem hi.
Pu Pope Francis in Angelus message agen in Mass siengtho kinei laitah a bomb poh na a si leh liemna tuohte leh a innkuonpi te kungah, “Tambang genthei hasatna nathuo uhi kang hamuon ua tualeh kang thuoh pi mama uhi”, achi hi.
Tami bomb poh na mun hi Muslim te tamna Marawi khuopi a The gymnasium of Mindanao State University ahi.
2017 kum in tami khuopi hi slamic State helpawlte’n ana luo ua pat buoina apienga mi tul val in sina ana tuoh a tualeh 300,000 val inn leh lo neilo in ana om hi.
Pope Francis in FIlipino mite kungah zong ahamuonna thu aphong a, Ozamis Archbishop Martin Jumoad kungah hichi’n asgen hi, “Tami hun laitah a na thuoh genthei dan kathei a tualeh na gentheinate kang theisiem pieh mama hi, nang leh na mipite dingin thu kang nget pieh hi”, achi hi.
Defense Secretary Gilbert Teodoro in athu phuonna ah tambang siltung tungtang ah gamdang apat a panlahna omdingin ginmawna anei thu agen hi.
Tualeh Armed Forces Chief Romeo Brawner gendan in apeisa ni 3 masanga Province of Maguindanao del Sur ah pro-Islamic State helpawlte mi 11 leh pro-Islamic State group Dawlah Islamiyah-Philippines mi phasa khat Philippine military te’n ana tha zieh ua phuba lahna hi dingin ginmawna anei hi.
#rvazoservice #rvapastoralcare #marawibombing
