RVA in World Youth Day 2027 mun ah mi 40 kijawpi ding ahi chin RVA program director in Asian Catholic Digital Assembly ah gen
RVA in World Youth Day 2027 (WYD-2027) South Korea khuopi mun a khangtha Digital influencers mi 40 tah kijawpi dinga, amaute’n WYD mun asunglam leh pulam a mite hindan, tawndawn, piendan, nuntahdan leh etlawm silte hing capture ding ua, Asia pumpi mu leh et-thei dingin hingsuo ding uhi chin Fr. John Mi Shen, RVA Program Director leh FABC-OSC Executive Secretary in Asian Catholic Digital Missionaries Assembly mun ah athugena ah pulahna nei hi.
South Korea WYD-2027, mun ah Asia gamkai Catholic te’n Digital mission toh kisai amasa panlah ding hina toh Asia gamkai Digital mission nasemte’n jong nasatah panlah ding dan jong tangkou hi.
‘’Digital langa lunglut khangtha kijawpi ding mi 40 te’n WYD-2027 a latna siengthou leh Pope thugenna maimai capture ding hilou in, mi mukhalou, mithei khalou silte leh don khalou sil hoite hing capture ding ua, Asia leh leitung pumpi mu thei ding leh et-thei dingin hingsuo ding uh Kinepna lienpi nei hi. Tuabana gen kiana ah amaute’n WYD-2027 zinna muna theidoh leh mukhie doh silte khu mo mangsalou in, akinua lelam akhuo uh Parish hitaven , khotang hitaven kunga hilna nei sawnsawn kia ding uhi chi hi. Mi 40 ki jawpi ten mi 400 pan 4000 tan Digital lam ah punbesah ding jong lam-etna lienpi ka nei hi.’’ chin Fr. Mi Shen in gen hi.
Fr. John in WYD-2027 sungin FABC in culture with religion leh culture with dialogue lam ah pan nasatah in lah ding ahi chin theisahna nei kia hi.
‘’Digital Missionaries pen WYD-2027 chienga kipan ding hilou in, tuni tamna Asian Catholic Digital Missionaries Assembly na telna mun ua kipan ahi tah chin.’’ Fr. John in gen a, tuabana Missionaries ki chi pen hat masang ahing kalsuan masa ahitah uhi.’’ chin gen kia hi
‘’Asia gamkai pen hamtuam, namtuam, Pawlpi tuam leh tawndawn tamna ahia ahinlah I bieh Pasian khat leh tasanna khat nei uh ihi chin Digital Missionaries ten thei pumpi in Pasian thute tangkou zing vai chin hanthawn thu.’’Fr. John Mi Shen gen hi.
