RVA DAY LEH TOPA MARK AIMENG, TOSUO KUM 40 CHINNA PAWI KI MANG
Apeisa ni 16 December in St. Thomas Parish Singngat ah RVA DAY nih veina leh Topa Aimeng Tosuo jou kum 40 chinna ,RVA Zo Service saina in program gaal leh saa kawmkal ah lawching tah in kizang thei hi.
Tamhun program pen Sie Dominic Pakhual in puitou a, Pa Paukhanlian leh Ng Hosiem Milun in Topa Mark Aimeng Ruby Jubilee laa pen mipi mai a, ngaitah in sah khawm nan ei gel a, Tualeh Marina jong laasa siem khangtha pan in in laa ngai tah sahna hun nga in . Sie George Kakai in jong Pasian laa ngaitah khat sahkhie hi.
Radio Veritas Asia ( RVA) Zo Service pen Topa Aimeng in kum 1996 kum in na pan khie in, peisa 2021 in Silver Jubilee ( 25 chinna ) jong St.Joseph’s Parish, Sugnu ah thupitah in na ki mang kha hi. Tam RVA ZO SERVICE pen Topa Aimeng in kei tetang, hantang chin, khangdonglai Topa Mung leh Team-te kung kum 2022 in apkhiet na leh ngansiena nei in ama na ki tawlnga tah a, ahin RVA ZO SERVICE, A deina leh itna mangthei lou in hun neisung teng in jong thu leh laa amapan tami kimu thei nalai hi. Topa Aimeng in RVA ZO SERVICE ding in sep leh bawlte sim joulou kipahna leh lungdamna etsanan tukum RVA DAY ki manna a, ama tosuo kum 40 chinna RVA ZO SERVICE office ten hitheitan in panmun kilah in ki bawl khawmpi.
Tualeh tam program sunga Topa Aimeng kum 40 tosuo jou, kipahna silpie, mun tuomtuom pan hingpei ten piena tampi nei uhi.
Tuajou in Michael Tungthang in RVA Staff in , kipahthu genna nei a, Local Siepa Francis hunkha thumna leh mipi annkuong thupah piena nei in program joh hitah hi.
Tam program aneu, alian umlou in, mum tuomtuom pan mipi 1000 in huop hi
Program Top in, RVA DAY leh Topa Aimeng kum 40 chinna mipi’n annkuong imna nei uhi.
