Pope Francis in St. Peter Basilica kot siengthou honna leh 2025 Kinepna Jubilee kum honna ana nei ta hi. Lungdam Pawi phawni nitah Mass Siengthou abolna ah Khrist pienna in leitung pumpi ah kipahna leh kinepna apie hi chi’n agen hi.
Pope Francis in 24 December 2024 nia St. Peter Basilica kot siengthou ahonna toh 2025 Jubilee kum a kilut ahita hi.
Lungdam Pawi kipat na toh pawlpi tondan a kot siengthou kihonna in Jubilee Spes non confundit, kum 25 jou simsiel a Jubilee kinei ahia tami Jubilee kihong pen 6 January 2026 Epiphany ni’n kot siengthou khan a toh Jubilee kum jo ahi ding hi chi’n hilchienna jong anei hi.
Kot siengthou kichipen bangdinga siengthou e ichi leh, koi tapou tami kot sunga lut te siengthouna hinkhuo mang dinga chiel ahi. Tami hing kipana hi Pope Martin V in 1423 kum a kot siengthou Lateran Basilica lutna dinga anahon ahi. St. Peter Basilica ah 1450 kum Jubilee in ana kihong masa pen hi.
‘Nanga dingin kinepna a om hi’
Pope Francis in tami kot siengthou honna tungtawn in leitung pumpi ah kinepna kot akihong a, Pasian in eiho jousie kungah “nang dingin kinepna a om hi”! chi’n agen hi, achi hi.
Tuajeih in eite’n Jesu ei adinga ang pienna toh kiton in kipah thanuam in vaidawt a kinepna toh hinkhuo siengthou iman ding uh ahi chi’n agen kia hi.
