Pope Leo XIV Pope asuo masangin prior general of the Order of St. Augustine hina toh 2001 apat 2013 kum sungin gam tampi ah ana zin a tualeh Roman Curia member hina toh 2019 kum apat in azin hi.
AUSTRALIA
Prior general of the Augustinians hina toh, Pope Leo XIV 2002 leh 2005 kum in Australia ah ana zin hi. Kum 2002 in Brisbane, Queensland khuopi a um Villanova College ana ve hi. 2005 kum in New South Wales ah aho a Holy Spirit Parish ah Mass abawl hi.
DEMOCRATIC REPUBLIC OF CONGO
2009 kum in Pope Leo in Congo gam a Kinshasa khuopi a Augustinian university honn a ana nei hi. Tuami kum ma in Bas-Uélé province ah ana ho hi.
INDIA
Pope Leo India gam ah 2 vei ana zin hi 2004 leh 2006 kum in. Prior general of the Augustinians ahi lai in Kerela leh Tamil Nadu a pawlpi mite ana kimupi hi. 2004 kum in Augustinian siempu 6 in Kerela a St. Francis Xavier biehinn a suhdetna anga na ah Mass bawl toute lah ah jong ana pang hi.
INDONESIA
2003 kumin Papua, Indonesia ah ana zin a, Jayapura a um Diocese of Sorong ah anniversary of the Order of St. Augustine mang ding in ana zin hi.
KENYA
Kenya gam ah Pope Leo 2011, 2024 leh 2025 kum in ana um hi. 2024 kum a tami gam a aho in Cardinal hina toh Nairobi a Augustinian International House of Theology a chapel latna ana nei hi.
NIGERIA
The Nigeria Catholic Network thuphuon dan in Pope Leo in 2001 leh 2016 kum sungin tami gam ah kikupna tuomtuom te leh Augustinian order’s Nigeria province tungtang adingin 9 vei vel azin ta hi.
PERU
Siempu asuo jou in Peru gam ah 1985 kum Pasian nasem dingin ana kisol hi. Tua mun ah amau pawlpi sunga local prior in ana kitel hi. 1990 lai akipat in Archdiocese of Trujillo ah judicial vicar hina toh pawlpi naa anasem a tualeh San Carlo leh San Marcello seminary college te ah professor of canon law, patristics, leh moral theology Anahi hi.
PHILIPPINES
Philippines gam ah Pope Leo tamveipi ana zin ta a, prior general of the Augustinians hina toh has 2002, 2010 leh 2012 kum ah ana zin ahi. Azinna khat ah Philippines gam sunga biehinn luipen Cebu khuopi a um Santo Niño Basilica kichi ana ve hi.
SOUTH KOREA
Siempu khangdong nou ahilai in South Korea gam a sanggampa nasep kithuopi dingin ana zin hi. Tua hun laitah in South Korea gam a Pasian nasep nadinga kalsuon masat nadingin a sanggampa’n genthei hasatna ana tuoh laitah in ava kithuopi hi chi’n Father John Sullivan, OSA in agen hi.
TANZANIA
Pope Leo in Africa gamkaia Tanzania gam ah 5 vei val ana zin ta hi. Tanzania national newspaper Daily News gendan in tami gam sunga mun tuomtuom te ah azinna tualeh tuol lam ah jong mel 468 val apei hi Songea pan a Morogoro azin in.
Translated by: William Zo
