Khovel in June 20 a World Refugee Day a zahlai in Ayaam Hirsi Ali tanchin in Galtai te lah a kisiamtha na leh kikhel lamdanna thupi tah kum bangzah ahiei sung in mukhiat in um hi.
Kum 1969 a Somalia gam a piang Hirsi Ali in a naupang lai hun tamzo gam dang dang ah azang a,Politics thu te muanhuai lou ahi ziash in gam dang dang ah atai lele uhi. Daudi Arabia gam, Ethiopia, Kenya gam te a ana teng in Muslim sakhuo khau tah akizuin na munt e a ana khang lian hi.
Kum 5 ahi in, apinu thanei na in azunthahna tep ana tan uhi. Galtai dang te bang in a kum neulai tam jo kinepna neithei tahtah lou in, hoiteng ah um leng bitna leh muanna kanei thei diai chi di neilou in hinkhuo ana zang hi.
Kum 20 nailam ahi in, Hirsi Ali pen Netherland gam ah a inkote deisah khat toh kiten di zauna zieh in ana taimang ta hi.
Netherland gam ah Hirsi Ali in ahikhuo hoi na ding in panlah na ang neitha a, Dutch parliament a na ang sem pan ta hi. Numeite tanvou leh numei te zalenna, sakhuo tungtang a zalenna thu a lekhabu agiel te leitung buppi a theikhiat leh ngai poimo in ang um ta hi. 2005 kum in Time magazine in amanu khu leitung adia mipi lunglai sukha a thugen te lah a khat ahi chin jong agen hi.
Hun hing pei zel in Hirsi Ali khu khovel a Islam sakhuo gensetu dia kilang sang pen in ang pang ta hi. Adiah in numei te dia siatna tunthei leh ginna te genes tu dia kilang sang pen ahita hi.
September 11 2001 a United States a terrorist ten adoulai un gensiatna aha gen mama a atopna ah ama jong Pasian um gingta nonlou mi in ang kigen doh ta hi.
Kum 20 ching deh ta Hirsi Ali Pasian gingta lou mi ahina a athugen te mithei din aum mama hi. Sakhuo in hinna ah suhbuaina leh nawngkaina atun zel hi chin agen hi.
Kum 2023 in thakhat a Christian ahi chi phuang khia in ama lang a ana pang honkhat in lamdang asa uhi.
Hirsi Ali: “Kum 1972 in Bertrand Rusell in lekhabu agiel”Bangzieh a Christian hilou kama” achi pen kana mukhia a, keiman kum 100 nua in tuami thupi kilangle in lekha khat kagiel kia hi.”
Essay kagiel pen a “Bangzieh a Tua Christian kapom ahiei” ichi leh, thakhat thu a sakhuo sunga theitha na kanei thut hilou in sakhuo thu le la tawh Pasian um gintat lou na in mihing te hinkhu manphat dan leh hinna in panmun aneidan kamukhiat dan abukim kasajou sih hi.
International community enkaitu hina zal in World Refugee Day nin Hirsi tangthu in atahlat ahileh Galtai ten theikhiat anei ahileh, galtai hun a I nei igou poimo te chouh tawh gamgi gal a galtai ahisih ua, ahina uh, a zalenna uh leh ang kuankhiatna te utoh hing galtai uh ahi.
Ayaan Hirsi Ali hinkhu thusim a itheikhiat apoimaw pen dia ikhoi ahile, i hing kipat khiatna ikhuolchien chieng in theiding tampi suhtuo ding leh bawlkhiat ding tampi imu hi.
Translated by: Robert Lalboi
