Northeast India a Catholic diocese te’n a 5 vei china dingin 5th Regional Youth Convention (RYC) 2025, June 27-30 sungin Mary Help of Christians Cathedral, Kohima ah vaiguol anei ding hi.
Tami vaiguol a hing tel dingin Northeast diocese 15 te pan in khangnou 2000 bang aki lam et hi.
June 25 ni’n Regional Youth Convention RYC 2025 adingin press conference leh kisahkholna dinga kikupna nukhia pen Nagaland khuopi Kohima ah ana kinei hi.
Press te toh kikupna ah Kohima bishop James Thoppil in tami convention hi ginna, khangnoute leh kipumkhatna pawi ahi achi hi.
Tami vaiguol hi Nagaland Catholic Youth Movement (NCYM) leh northeast regional youth movement te saina toh kimang ding ahia, tami vaiguol ah hagau lam leh tawndan toh kisai in aki talah ding hi.
Father John Barman, MSFS, regional youth director gendan in tami youth convention hi khangnoute biehna leh pawlpi lam a kisuhmat sah na ahi chi’n agen hi.
Catholic pawlpi in khangnoute pawlpi toh kisuhmat nadingin khangnoute training apie jing hi.
Translated by: William Zo
