Malaysia gam a Penang Catholic Diocese in Bishop Sebastian Francis Cardinal dinga akitelna lawm
Apeisa January 14 ni’n Malaysia gam a Penang Catholic Diocese in Bishop Sebastian Francis Vatican in Cardinal dinga atelna Latna siengtho toh alwam uhi.
Latna siengtho Cardinal Francis in amapui a, tualeh Cardinal Giorgio Marengo of Mongolia (Apostolic Prefect of Ulaanbaatar), Cardinal William Goh Seng Chye (Archbishop of Singapore) leh Bishop dangte, siempute, ngahnu siengthote leh pawlpi mi tampi pawi mang in Latna siengtho ah ang tel uhi.
Cardinal Francis hi November 11, 1951 kum in Jahor Bahru khuo ah ana pieng a, tualeh July 28,1977 kum in Melaka khuo ah siempu hina a suhdetna ana nga hi. July 7, 2012 in Bishop hina dingin ana kitel a, August 20, 2012 in Bishop hina a suhdetna ana nga kia hi. Ama hi Penang Catholic Diocese adinga Bishop a 5 na nahi ahi.
September 30, 2023 in Pope Francis in Cardinal dingin ana tel a tualeh tuami ni ma in Pope Francis in Cardinal-Priest of Santa Maria Causa Nostrae Laetitiae dingin jong atel hi.
Kum 2023 akipat i. Cardinal Sebastian hi Federation of Asian Bishops' Conferences (FABC) Office of Social Communication (OSC) adinga chairperson panmun luo in na ana sem pan tahi.
