Indonesia a Dinmun Sangpen Tuten Asia Hattuomte Khat leh Khat Kikawmtuo masang a Thu ngaikhe ding in a Ngen uhi.

Indonesia a Catholic Bishops Conference a president in Asia Hattuomte 12th Plenary Assembly of the Federation of Asian Bishop’s Conference (FABC) hon ahitoh kiton in angaikhia Hattuom hiding in chielna abawl hi, pawlpi kalsuon khawmna siengthou ahina ding in Pasian thu ngaiding, khat in khat thugen ngai ding, tualeh mipite aw ngaikhiet ding ahi.

“Tami Plenary Assembly pen bishopte kihoukhawmna sang a poimawh zaw ahi,” Bishop Antonius Subianto Bunjamin, OSC, Hotel Mulia Jakarta a July 21 a palai hing peikhawmte kung a agen hi. Tuhun ahileh Hagau Siengthou thu ngaikhiat nading a hun siengthou ahia, khat leh khat thugen kingai khiet ding, tualeh Asia gamsung a mipite aw jong ngaikhiet piah ding ahi.

Tami vaiguon honna a Hattuom lamkaite, government nasemte, leh Asia gambup a palaite ahing peikhawm uhi.

Maidaw tunglam a Cardinal Filipe Neri Ferrao of India, President of FABC; Cardinal Pablo Virgilio David of the Philippines, Vice President; Cardinal Tarcisio Isao Kikuchi of Japan, secretary general; leh Indonesia a Sakhuo Thu leh La lam a Minister, Nasaruddin Umar, zin zahtathuai ahi uhi.

Bishop Antonius in Asia Hattuomte apat palai hing peikhawmte kung a agam mite kamsiam dan leh zin bawlsiam dan gen kawm in Indonesia vaiguon a hing pangte vaidawnna anei hi.

FABC in agenzelna a Asia Hattuom in kihoutuona leh kichiamte theina tuom tuom aneih uongtah in agen hi. 1990 FABC Plenary Assembly Bundung, Indonesia a, bishopte’n agenna uah sakhuo lam akhantou theina ding in, “triple dialogue (pawlthum kihoukhawmna)” – azawngte toh kihoukhawmna, pupa tawndan leh ngaina dan theite toh kihoukhawmna, sakhuo biahna tuomtuomte toh kihoukhawm ding ahi. Aman agenkia na a kim leh kiang a sil umte keptup khu Hattuom nasepna khantouna ding a poimawhte lah a khat ahi chin agen hi.

Bishop Antonius in ang peikhawmte ahanthawn na a hattuom kalsuon khawmna ahat theina ding in ngaikhietna lam pibawl a, pankhawm a, tualeh mailam hun ading kikup khawm ding ahi chin agen hi. 

Aman agenzelna a tuma a I pope uh, Pope Francis thugente toh kitua a Hattuom ten thukhenna la masang leh ihamkhiet ma a ngaikhetu a panding ahi. Pope Leo XIV, injong Hattuom khantouna ding in khat leh khat kihoutuoh ding, lungsim sianthousah ding, tualeh itna toh nasep ding ahi achi hi.

Tami vaiguon honna a Nusantara in Indonesia pupa laam lahna anei a, tualeh Sumatra, Java leh Nusa Tenggara ten jong anei uhi. Asia gambup a tawndan tuom tuom palaite mai a alahna utoh palai hingpei khawmte avaidawn uhi.

Bishop Antonius in Indonesia government kung a kipahthu agen a, adiah in Sakhuo Thu leh La a mopawte, sakhuo lamkaite, zat tangjangte, sum a panpihtute , leh vaiguon saite tung a pankhawmna jiah a kalsuon khawmthei ihi chin kipahthu agen sawnsawn hi.

A thugen tawpna a, Asia gambup a tuolsung Hattuomte Hagau Siengthou mapuina leh assembly tungtawn a ahing hatsem na ding uleh, minautang leh khanglaite, gambup sung a Hattuom kisiamthana theipitute ahing hi ding uh ikinem uhi.

“Koute lemna vanzah in hing siam in. FABC te lemna vanzah in hing siam in, tuachin kouten sil thupite kamu ding uhi.” chin thumna toh hun akhah ta hi.