Federation of Asian Bishops’ Conference (FABC) President in pawlpi kizuikhawmna dinga Pope Leo XIV vaihawm dingdan lam et
Pope Leo in Mass siengthou latna anei masat ni zing ni in thu kisuona ah, Cardinal Filipe Neri Ferrão in Pope tungtanga thu agielna ah, “Mithu ngai mi, mi kisapna thei leh tualeh kipawlkhawm ding dei mi ahi”, achi hi.
“Ka ngaidan in Leitung buoina tungtang leh biehna zalenna, gentheina, gaal leh kilemna lrh adang dangte ah ngaidan hoi mama te hing nei va chi ing”, achi hi.
Cardinal Filipe Neri Ferrão mudan in Pope Leo in Pope Francis nasep hoi te zawm ding athanuam mama hi.
Pope Leo XIV in Mass siengthou latna anei masat in pawlpi sunga kipawlkhawm ding thu a tahlah te tualeh Asia gamkaia zat leh nam tamna a apoimaw na thu agen a, “Tami hi Asia gamkai a ka tangkouna ahi, genthei hasatna tami inei uhi, eima sung l=hileh pawlpi sung hitaleh”, achi hi.
Tualeh, Cardinal Filipe Neri Ferrão in India gam hing zin dingin Pu Pope chielna anei hi. Tu-leh-tu in Cardinal Ferrão hi Conference of Catholic Bishops of India (CCBI) president leh tumlam India a archbishop of Goa and Daman panmun luo in a um hi. Cardinal Ferrão gendan in FABC in akia kikupna 2026 kuma Malaysia gam a umding plenary assembly ah Pope Leo XIV chielna akinei khading hi achi hi.
Translated by: William Zo
