Asian Bishopte’n Synodal kipawlkhawmna hatsah nadinga tuolsung a sil poimawte tahlang

Federation of Asian Bishops’ Conferences (FABC) a 12 veina Plenary Assembly a palaite’n July 25 in tuolsunga sil poimaw tuom tuomte agen ua, Asia gam a Catholic Pawlpi in sepkhawmna a hatsah thei ding dan, pastoral hasatnate dawn ding dan leh gamkai sunga synodal hindan a thuuh zaw thei nading sil poimaw tah tah te a tahlang uhi.

Session hi Archbishop Bejoy N. D’Cruz, OMI, Archbishop of Dhaka leh Bangladesh Catholic Bishops’ Conference president in amapui ahi.

Regional report hi Southeast Asia adingin Philippines gam a Caceres khuo a Archbishop Rex Andrew C. Alarcon, South Asia adingin Sri Lanka a Chilaw khuo a Bishop Wimal Siri Jayasuriya leh Central leh East Asia adingin Kyrgyzstan Apostolic Administrator Bishop Anthony James Corcoran, SJ te’n apie uhi.

Tami pawlte’n pastoral expert te directory siem ding te, regional calendar kibang siem te, solidarity fund siem te, seminary formatorte dinga network siam te, bishopte kikal a thungetna malahna te, FABC document te khu biel sung pum huop a zah thei zaw dinga siem dingte an asawm uhi.

South Asia tana adinga athugenna ah Bishop Jayasuriya in tami biel a hindan, ham leh pau tualeh sakho tuom tuomte kibahlouna khu hasatna tuom tuom in azui hi achi a, tuate lah ah silsiem sietna, sakho lam a nam ngainatna, kikawmtuona khanate zong atel hi, achi hi.

Pastoral malahna leh sil bawldan hoi penpen te toh khel a abailamjo a peipi theina dingin regional media platform siem asawm uhi.

Central leh East Asia adinga report apiehna ah Bishop Corcoran in kimutuona khu lampi siemna dinga azungpi ahi thu agen hi.

Pastoral lawchinna dih tah khu mipi leh khotang kimuhkhawm, ngaikhietna leh kipawlkhawm a toh lamzawt khawmna ahi.

Tami biel in bishopte kikal a kikhelna punsah dingte, seminary formation programme te, khangnoute panlahna te, pem lutte dinga synodal community te, regional pilgrimage te, leh tuolsung Pawlpite’n pastoral experience lawching leh hasa tah tahte zalen tah a an kihawm theihna ding forum te asiem sawm ahi.

Mun chin in amau pastoral realities khu tahlang tamaleh, report thumte hi vision kibang ah akizawp khawm a: Asia gam a Pawlpi kinzawp, kingirmkhiet khawmna, mawhphuohna kihawm, leh sepkhawmna hoi tah tah a zung kaina ahi.

Regional proposal te Assembly final recommendation ah peilut ahidinga, plenary nei sunga Synodality Vademecum siemna ah lahlut ahiding gintat ahuoi hi, Asia gam pum ah Assembly thugen banga "Lei leh leisiemte " hi ding sawmna lampi ah tuolsung Pawlpite adingin kimapuina poimaw tah ape thei ding hi.