France gam a Tolouse khuopi ah dawi pawi lienpi khat 25 October ni'n akibawl mang dinga, tami pawi hi KHUOMUTNA KELKOTPI (Gate of Darkness) chi'n amin vaw uhi. Tami pawi ah tana lim kita khu atahtah in gawllam azawpi ding ua, tami khuo hi dawimangpa khut ah a apta ding uhi.
Archbishop Guy de Kerimel in hichi'n agen hi: "Jesu toh kithuo a leitung jou thaw ding ihi u'leh, sietna azung pan a phung kal ding angai hi tualeh Pasian toh pangkhawm in kingiemkhiet tah in thu ngen vai in tamtang dawi thahatna dou vai." Hichi'n Pu Archbishop Kerimel in Tolouse Khuopi Topa Jesu Siengthou Lungtang kungah a apta hi.
I theisa mabangun, tukum Olympic Kimaina kihon laitah in zum huoi tah in numei pasal akisiem ua, tami kiapmaina pawi dawi kungah a ap valong uhi. Masang lai in France Gam hi Khristien Gam thupia mama khat ahia, misiengthou tamtah pienna gam ahi. Tu'n French mite'n dawi biena nasatah in anei ua, Khristien pawlpite'n zong akhaam jousih uhi. France Gam hi Tonu Mari kilahna gam zong ahia, Lourdes Khuo a ngahnu Bernedette kungah ana kilah a tutan in Khristien pawlpi mite tamtah tanah thungen dingin akuon nalai uhi. Dahuoi tah in France Gam mi tamtah dawi bie in aumta uhi. France Gam mite dingin thu nget pieh va ui.
