September 02, 2024 (Seppatni)
Devotional Message
Thupi: Thawkna hi gingtu siampitinna a hi
Bangma tasam lo ah la bukim ua, la bit theina ding un thawk-hatna chun sem bukim ta hen Jak I:4.
Gingtu hinkhua leh thawkna hi a kikhen theilo a hi. Himaleh, thawkna kiti hi tam tak in i hethiam sek lo uh a bang hi. Thawkna a kipat a ga hung um ding chu i gingtu hinkhuau siampitinna ding chu a hi. Thawk ding neilo in Pathian in ei la kawi ta hen la hi taleh chu i hinkhua piting ngailo ding a hi. I Khristian hinkhua siampitinna ding a chun thawkna hi a pawimaw hi. Tulai gingtute hinkhua hi i ngaitua a hi chun thawk ding lau ah jâm ngâwn dinmun in i ding uh a hi. A thuak nuam lo, a nawpna kualsung bep ah Khristian pha hi ding ut chiat, thawkna ding mun ah peilo khristian a kihi zo ta a hi.Thawkna a kipat i khristian hinkhuau hi siampitin a um thei bep a hi ziak in thawkna hi jâmsan mai lo in kipak tak in i lamtua zaw ding uh a hi. Me Quote chun, Thawkna hi i gingtu hinkhua hâl thianna ding ah mei tawbang a hi a ti a hi.
Pastor T.L.Mang Vaiphei
For Christ & His Church
