NICHIN THUMNA PUITU
By Rev. Awnkhankhup
SEPTEMBER 03 (SEPKIANI).
Thupi: Khrist Kros Loungal
Hinanleh ken vang i Mangpa Khrist Kros loungal ka suon lou ding dan dan, Ama ziehin leitung kei ding in kilbeh ahita a, kei leitung a ding in kilbeh kahita hi. Tua kipat koiman hing subuoi nawn sih heh, aziehpen ka tahsa ah Mangpa Jesu chiemtena kapuo hi (Gal. 6:14,17).
Paul thupuoh laigil khu Kros ah a kinga hi. A hinna zousie heng lamdangtu khu Kros ahi. Tua Kros bou khu suong ding ahidan a gen a, Kros chiemtena a puoh zieh a koiman subuoi lou ding ahi thu zong a gen hi. Jesu shina zieh a hundamna tangte ihi ua, tuaziehin a hing tantu Jesu i suong a, a shina Kros zong i ngaisang sese uhi. Jesu i gingtat ziehin a sisan a chiemte ihi uhi. Ahing tantu Jesu Kros khu i suonpen ding uh ahia, tuami sang a kilang zaw leh poimaw bangma inei ding a sieng sih hi.
