NICHIN THUMNA PUITU
By Rev. Awnkhankhup
SEPTEMBER 30 (SEPPATNI). PAUL-KHRIST MIHANGSAN
🙏🙏 Tuachin Paul in nou ten kap a na hing hasietsah uh bang na china uh ahiei? Mangpa Jesu min a Jerusalem a kaan a um bep hilou in shi ding nangawn ngap ka hi chin a dawng hi. Tuachia hou zou guol ahi loutah in katawp ua, “Mangpa thu thu hita heh,” ka chita uhi (Nas. 21:13,14).
Zawlnei Agabus in sawltah Paul khu Jerusalem ah a man ding ua, tuachin Jentelte khut ah pieh in a um ding chi agen ziehin Paul in Pasian nna aseppite a kap ta ua, Jerusalem a hawlou ding in a hou ta uhi. Paul in ahileh Jesu min a kaan a um bep hilou in, shi ding nangawn a ngap thu a gen hi. Thuoh hat ding a kihanthawn i poimaw mama lai ua, a thuoh kha panpan mite i ki duot sengseng khah zel uh khu sil poi mama a suoh thei zel hi. Jesu ka it i chi leh, ama i itna suhlatna ding a ama a ding a thuoh zong i ngap ding ahi.🙏🙏👏
