N I T E N G H A T N A
November 2, 2024 (Kiginni)
PATHIAN' BAWLHOIHNA
Taangteel: Mi'n ata asawi bang in Toupa na Pathian un nou hon sawi ahi, chih na lungsim un thei un (Diut 8:5).
Haksa leh buainate i tuah ding mah himahleh huaite tuah chianga lungkhampih a lungkiakna a neihlouh teitei sawm ding ahi. Huai naksang in Pathian in hon bawlhoih na dinga vanzat hithei ahi chi a, a phatuam ding lam a zat theihdan om ahihdan a gen limsak a neih a deihhuai hi. Pathian in hon deihsak a, I hoih ding hon deih man in haksa hon tuaksak zel ahi. A ziak tuh, hon it a, a deihsakna tamsem tang dia hon deih ziak ahi. Pathian tuh itna kia hilou in, siangthou leh diktat leng ahi. Huaiziakin, khelhna leh nitnate toh kidiah den ding in hon deih kei a, huai toh kikhen theihna ding in hon soisa sek ahi zaw. Pathian sawina ngaihnep louh ding ahi.
Ngaihtuah ding: Haksa tak a ka tuahte'n hon bawlhoih hia, lungke sakzaw adiam?
