NITENG HATNA
AUGUST 23,2024
(Ziltawpni)
PATHIAN' HON SAPNA
Taangteel: Khrist in leng nou a hon thuaksak ziak in, huai bang hih ding a sap na hi uhi; a khap a na zuih ding uh zuih ding ahon nutsiat ahi (I Pet 2:21).
"Thuakna lau kenla, sualna bel lau in. A teel thei ding dinmun a na om leh, khelhna neuchik sang in leng thuakna thupitak teel zaw in." Guthrie in achi hi. Pathian' sapna theichian a, amah nungzuite'n tunung a a tan ding uh muchian a, theichian mahmah ahihman un thuakna lau lou uh hi. Jesu Khrist nungzuite' sih dan khawng mulkimhuai thei mahmah hi. Ginna a mihangsan pai masate' thiltuah leh a lampi totte uh eite hon hasuantu dingin sim zelzel thei lehang a deihhuai hi. Amau tuh muhtheihlouh pa mu in leitung nopsakna leh goute thupi in sim lou uhi. Toupa Jesu Khrist in eite sik a simmohna, vuakna, engbawlna chiteng thuak a, Khros a sihna tanpha hong thuaksak khinta chih haksatna tuah hun a phawkthak zel ding ahi.
Ngaihtuah ding: Pathian hon sapna bang in ka om na hia?
NITHAK TOUPA TOH ZATNUAM
