NITENG HATNA
AUGUST 26, 2024
(Seppatni)
PILVAN POIMOH
Taangteel: Nangmah leh na thuhilh ah pilvang in; huai thilte hih in om gige in; huchibang hih in nangmah leh na thuzate na hondam ding hi (I Tim 4:16).
Sawltak Paul in Timothi kiangah a kep saptuam a buaina tuamtuam a om ziaka pilvangtak a nna sem dinga deih in a thuhilh hi. Saptuam sunga sinsakna dikloute kalh ding, kivaipuakna leh biakna toh kisai leh a gamtat dingdan uh sinsakna pia hi. Huaite ban ah Toupa Jesu sikha hoih hih dingdan leh, gingtu pawl tuamtuamte tunga a mohpuakna khawng thei a, pilvangtak a nasem dingin hasuan hi. Midangte a thuhilhna bang zui a amah leng om gige ding poimoh a sa hi. Huai bang a om thei dingin mahni kithuzohna hoihtak nei hih ding poimoh hi. Mi kuapeuh mah kizen tak hi a, Pathian adia kipezou leh kiphal tak ana hi leh leng, mahni kithuzoh zoulou mi ahih in tuh Pathian in a zang theikei ding hi.
Ngaihtuah ding: Midangte zuih dia ka hilhte kei hinkhua a min a mu ding uam?
