NITENG HATNA (September 8, 2024) Pathianni
TOUPA NGAKTE TAN
Taangteel... huchi in kei Toupa ka hi chih na thei mai ding, hon ngak mite zahlak in a om kei ding uh (lsai 49:23).
Toupa Pathian in Jerusalem a tunding nawnna ding thu Jawlnei Isai' gen apan hiai thu kilakhia ahi. Toupa'n mipite kiangah, na hotdamna uh hongtun chiang in deihsakna kon ensak dia, panpih ngen a na thumnate uh kon dawng ding. Hon veng in kon humbit dia, nou pansan in mi tengteng toh thukhun bawlin, tua a hawm a om, na gam uah kon tengsak nawn ding, chi hi. Jerusalem mipite'n bel Toupa'n hon nusia a mangngilhta ahi ve! chi mahle uh kon mangngilh ngeikei ding, chiin Toupa'n agen hi.
Toupa'n bangkim tunga vai ahawm hun chiang in noute'n Toupa ka hihna thei in ka panpihna ngak kuamah zahlak leh beidong omlou ding ahi chih na theichian ding uh, chi hi. Phun lou hial a Pathian ngakna in khelhna leh lungkhamna lampi akipan hon hunkhe ding, chi ahi.
Ngaihtuah ding: Lunglel lou in Toupa ngak ka hi hia?
NITHAK TOUPA TOH ZATNUAM.
