NITENG HATNA
September 10, 2024
(Sepkiani)
GINNA A OM GIGE
Taangteel: Gim tampi thuak in Pathian lalgam ilut dlng ahi him ahi chiin nungzuite lungsim a hih kip ua, ginna a om gige dingin ahanthawn uhi(Nas 14:22).
Pentikos ni a Kha Siangthou' thilhihtheihna, gingtute tunga hongtun nungin, gingtute amau mimalleh heutute, hihharh leh suk-hat in a hong om uhi. Pathian' thilhihtheihna in gingtute a ompih a. sawltak Paul leh Barnaba in Tanchinhoih a tangkoupih ua, mitelungsim honsak a om in nungzui tampi hon bawl uhi. Himahleh gingta nuamlou Judate'n zentelte tokthou in gingtute kalh in a lungsim uh a helsak ua, sawltakte soisak leh suanga den tanpha thuak in om mahle uh amau tuh ginna ah om gige uhi. "Limlatu in i lim abawl theihna dia negative aneih akul bang in, van a lallukhu i neihna dingin lei a khros i puak angai hi. Lei a i thuakna leh dahnate tuh van a thupina, pahtawina leh hinna bei thei nawnlou i neih ding chiamnate ahi uh" A J Gordon in achi hi.
Ngaihtuahding: Haksatna ka tuah hunin ka ginna bang achi ngut a?
