NICHIN THUMNA PUITU By Rev. Awnkhankhup
February 24 (Ningani)
INNKUON LIMNA THUGUHTE
Unau ki-ittuona um zingta hen. Mikhuolte hoi bawl ding manghil sih un, tuabang a bawl in mi pawl khat ten theilou kal in vansawlsieng te ana zintun uhi (Heb. 13:1-2)
Innkuon khu itna toh kibul pat ahia, tua itna khu tate a zong a hing um pat chiengin innkuon khu limna leh kipahna in a tenpita china a hing hita hi. Innkuon lim theilou a i hing um pat chiengin itna ah i um zing na uoi chi ki-et chien a hun mamata china ahi ding hi. Innkuon kipah thei i hina ding un, itna umzie theisiem a poimaw hi. I ji ahilouleh i pasal i it penpen hinapi, hatlana leh hoilana ahing nei khah chieng ua itna bei zen a hawmthaw leh ipla tah mai a hansan mai lou in, a chinglousate innkuon a itna zieh a tengkhawm i hi chi ngaituo tha zel va ui. Itna in innkuon lim leh nuomsa a bawl thei hi.
