NICHIN THUMNA PUITU By Rev. Awnkhankhup
August 04 (Ningani) TALENT GENTENA THU
Vangam khu mi khat, gamdang gamla tah a khuolzin ding a kisa a suohte hankhawm a, a neisate a khut ua kemsah bang ahi. A suohpa khat kung ah talent nga, a suoh dang khat kung ah talent ni, tualeh a suoh dang khat kungah talent khat a pie a, ama a zinkhe paita hi (Mat. 25:14,15)
Masang lai in Asia gam ah mihausate a zinkhieh ding chieng un, a suohte uh kungah a sum veipung ding uh a hawmsah zel a kichi hi. Talent gentena thu zong tambang deu thute pansan a kigen hiding in a gintat huoi hi. Talent khat khu dangka-eng Kg 34 vel a gih hidan in a kigen hi. Talent nga kemtu leh talent ni kemtu ten a leni in a na supung ua, talent khat kemtupa pen in a suhpunglou zieh in nasatah a phawhhil in a um hi. Talent tungtang genna khu hun nukhia thu kigenna toh kizui a kigen ahia, Pasian mi zousiete i bawl thei bang chiet bawl ding a mawpuohna hing kipie ahidan a kichien mama hi.
