NICHIN THUMNA PUITU By Rev. Awnkhankhup
August 23 (Sepkiani)
BELAM HUONG
Chitahzet in ka hing hil ahi, koipou tunkot a lutlou a lamtuom a kal a belam huong a lut khu guta leh suomhat ahi. Hinanleh koipou tunkot a lut khu belampu ahi. Ama khu tunkot veng pa’n ana honpieh a, belamten a aw a za uhi, tualeh aman a belam khu a min un a han a, ama uh a puidoh zel hi (Joh.10:1-3)
I tangteel a i mu bang un, belam vengtu, belam leh belam huong chite a um diudeu hi. Belam vengtu khu Mangpa Jesu ahia, belam khu gingtute i hi ua, belam huong khu Hattuom ahi. Gingtuten i pienthana uh deikhop mailou in, a hing vengtu Mangpa Jesu i zui zel ding a, i bitna ding hattuom a i um ngeingei ding uh ahi. Gantate zong a huong a lutlou a, gamlah leh kholai vel a avahmang chieng un, a melma uh gamsa leh migilouten ana man thei zel bang un, i huong ding a Jesun a hing bawlsah Hattuom ah i um ding ua, tuanah lut a pawt in kipahna leh limna i mu ding uhi.
