AUGUST 22 (NINGANI)
DEITEL THEI IHI UH
Na thu in siem tansah in na um ding a, na thu ma in siem lou tansah in na um ding hi (Matt. 12:37).
Deitelna lam ah Pasian in mihingte a koi sang ma ma hi. Silsiem dangte ahileh deitelna neitheilou ahi uhi. Rev. John Wesley in, ‘Deitelna lam ah Pasian toh kibang a siem ihi uh’, ana chi hial hi. I deitel theina uh khu Pasian in a hing zatat sah ziehin, silhoilou i telthei a, tuamabang in silhoilam zong i tel thei uhi. Tunitan a hinkho hoileh deihuoi tah mangthei mite khu deitelna zang dihte ana hi zel uhi. Deitelna zangkhiel kha mi tampiten a damsung hinkhuo uh genthei tah a aman ban uah, a tangtawn mun ding uh ngaingamhuoi lou tah a suoh ta hi. Tuaziehin, deiteltheina hun lemtang i nei lai pet in pilvang tah in Pasian thu ma itel zaw ding uhi.
