Lampi gei a haikung (mango tree) pou chu mi'n suang a adenleh hai (mango) tuh agah chih a chianna ahi. Mi'n suang a adenlouh leh haikung tuh gahlou chihna ahi.
Huaimah bang in, mi'n ahon dem a, ahon gensiat leh nnahoih tampi semkhia na hi chih manghilh louh diing ahi. Mi'n demjong ahong demlouh a, genjong a hon gensiat louh leh bangmah semkhe lou leh zatna bei na hi chih na kimanghilh louh diing ahi.
Huchimah bang in, I Toupa Jesu leitung a hong vaklai in, a nasep leh thil lamdang a hihte thupi'n a gahsuah manpha mahmah hi. Kholian leh khoneute tawn in tanchinhoih tangkou pih a mite a kipan in a gah muh ding om hi. A nasep hoih leh a gah ziakin mite soisak leh gensiatnate, simmohna linglukhute hong khu in engbawlna puansan dup silhsak in om hi. A nasep hoih jiak in mite dem, engbawl leh muhsit phak in om hi. Huaiziak in mite dem phak leh hazat tham a na om kipakzaw inla'n gensiat nate leh mualphouna te nang sang a ana thuak masa Jesu om ahi chih mangngilh ken. Nang thuakna leh amah thuakna tehpih tham hinailou hi. I Toupa Jesu sulnung zui in haksatna tampite thuak zou ding in kipan thak chiat ni uh maw. Huai tengteng Jesun a nazoh khitsa ahi a, amah khekhap zui ding in ei gingtute kisa in panla thak chiatni. Na nnasep hoihte ziaka gensiat leh demsiat a na omnate poisa lou in' mailam zuan in tanchinhoih genkhe tam pen hih sawm chiat ni. Simtute Toupa'n a nasep hatzaw sem a semthei di'n a kha in hong ompih chiat hen aw !!
✍ Mawi Tawmbing
