NICHIN THUMNA PUITU
10 December 2024 (Sepkiani)
MARI PAHTAWINA LA
Tuachin Mari in, 'ka hinna in Mangpa a pahtawi a, ka hagau zong ka hundampa Pasian tung ah a nuom seng hi. Aziehpen Aman a suohnu ngiemdan a thei a, ngai in, tu a kipat in khangtha zousie in hampha a hing chi ding uhi (Luke 1:46-48)
Mari in Jesu pai ding ahi chi a kithei nua in a samggam nu Elizabeth mu ding in Nazareth apat KM 80 a hamla ah a zin hi. Mari chibai buh husa ziehin Elizabeth gil sung a mausen a kipie a, Elizabeth zong hagau siengthou in a hing dim ta hi. Tua silte a tun zou in tami phatna la Mari in a hing genkhe ta hi. Tami la ah Mari in, a tung a Pasian hoina a pahtawinate, miliente puasiet ding dante leh migentheite hamphatna ni hing tun ding thute ban ah, Pasian thuchiem a hing tangtun din dan thute i mu thei hi. Piengtha tate khu Jesu paitu dinmun a dingte ihita ua, i hinna in Mangpa a pahtawi in, a hing hundamtu Pasian tung ah i kipahthei na uoi chi ki vel tha va ui.
By Rev. Awnkhankhup
