NICHIN THUMNA PUITU
SEPTEMBER 29 (PASIANNI)
Thulu: JOSIAH LAMPIALLOU
Josiah leeng a apan chiil in kumgiat a upa ahia, tualeh Jerusalem ah kum sawmthum leh khat leeng in a pang hi.. tualeh aman Mangpa mitmu in sil dihtah a bawl a, tualeh apu David lampi zousie a zui a, zietlam a hiei veilam ah ahiei ah zong a pielsan sih hi (2 Leengte 22:1,2).
Leeng Josiah khu kum giat mi a hi in leeng in a tou pan a, Pasian giingmi ahi ziehin sil tampi a siempha hi. Pasian mitmu in midih ahi a, a Pasian khu ‘zietlam ahieh veilam ahiei ah zong a pielsan sih’, chi Bible in a hing hil hi. Pasian in a dei khu Josiah bang a midetdou ahia, ama ahileh gingtute a ding a etton ding hoitah ahi. Pasian apat lampial mang nuomlou miten, hasatna tuohlou ahi tuom sih ua Pasian a ahinna uh sil poimaw pen a akoi zieh un dettah in a dingtang thei zel uh ahi zaw hi. Eite bang ichi na uoi?
By Rev. Awnkhankhup
