NITENG HATNA
September 21,2024
(Kiginni)
HIHHAKSAT A OM
Taangteel: Na dan thusehte ka ziltheihna dinga hihhaksat a ka om ahoih hi (Sam 119:71).
Haksatna leh gentheihna i tuah hun chiang in, lungkham a vangtah tuam kisakna neih a baihlam mahmah hi. Himahleh hiai banga haksatna, lungngaihna i tuah hunte tuh Toupa Pathian toh hon kinaihsaktu ana hi thei ua, a hoih ahi chi a ilak zel ding uh ahi. Nuamsa leh lungmuang a i om hun chiang in Pathian lam leng phawk banlou a, a kianga thum ding leng peih khollouh baihlam tak ahi a, huai tuh thil hoihlou ahi. Sam gelhtu in tuh Toupa dan thusehte manphatna tamtak hon gelhte laka khat tuh hihhaksat a om a hoihna om ahi, chih ahi. Mihing lam a lam-etna a bei nungin leng gingtu, Pathian' tate adingin mitnauta banga hon en a, akiang i naih hunhun a honna dawng thei gige Toupa neih kaan a nuam zaw omlou ahi.
Ngaihtuah ding: Haksatna ka tuah hun a ka zilkhiak bang ahia?
