N I T E N G H A T N A
September 26, 2024
(Ningani)
HATNA A KUAN DING
Taangteel: Toupa'n, amah a en a, akiang ah, "Hiai na hatna in kuan in, Midiante apan lsraelte hun khia in. Ko'n sawl ahi kei maw?" (Vai 6:14).
Israelte'n Toupa mitmuh a thil a hihkhelh ziak un Midiante'n kum sagih sung atung uah vai a hawm uhi. Huai vaihawmna a khauh mahmah a, Israel tate'n haksa sa in mualtung leh kawlhawm khawngah bukna abawl uhi. A ganhonte uleh a lou bawlte tung tanpha uah haksatna a tun ua, gentheitak a a om ziak un Israel mipite'n Toupa a sam uhi. Pathian in, Amorte pathiante be kei un, kei na Pathian uh ka hi, ka chih na ngaikhe kei uh, chi hi. Himahleh itna hau Pathianin amaute honkhe dingin Gideon a sawl hi. Gideon in, Toupa'n hon nusia ahita ding hiaibang teng ka thuak uh chi hi. Toupa'n, 'na hatna thupitak toh kuan inla, va hunkhia in, keimah ngeiin hon sawl ka hi' achih mang in kuan a, Gideon in lamdangtak in a hunkhia hi. 'Pathian in a ta thumanna lampi a a om lai in lohsam in a nuse ngei kei hi'- Theodore Cuyler.
Ngaihtuah ding: Toupa hon sawlna mang zel ka hi na hia?
