AUGUST 28 (NILAINI).
MIDIHTAT THUMNA
Midihtat thungetna in nna a sem thei mama hi. Elijah khu eima bang a mihing pienken nei ahia, aman guo zuhlouna ding in phatuomngai tah in thu a ngen a, tuachin kum thum leh haguh sung leitung ah guo zulou in a um hi. Tualeh thu a ngen kia a, van in guo a zusah a, lei in a gate a hing suongsah ta hi (Jak 5:16b-18).
Pastor Rick Warren in, “Pasian in na ginlanate, na lungthahnate, na zaunate, na lungkhamnate, na mangbatnate leh na hinkhuo a dohna tamtah na neite a suveng sieng thei”, chi in ana gen hi. Tua bang a chitah na toh thumte a ngaisah in a dawng ngei ding chi a gintathuoi mama hi. Elijah thumna ziehin kho um dan a lamdang thei ma bang in, thumna silbawlthei dan theisiem kawm in chitahtah in i thum zel ding uhi.
