NITENG HATNA
AUGUST 21, 2024
(Nilaini)
CHINDAN HOIH
Taangteel: Sil jousie ah mi’n nou tunga abawl ding nadei mabang un nouten zong midangte tungah bawl un, tuakhu dan thu leh guolneite thu ahi.(Math 7:12).
Mi, ei tung ah hoih leh chih kuapeuh in i deih chiat ua, ahihhang in mi tunga hoih i sawm pahpah kei nak uhi. Min ei tung a hon hih ding ua i deihte en leng mi tung ah hih masak sawm chiat lehang kinakna ding leh ki gensiatna ding a tawm mahmah ding hi. Hiai chindan hoih tuh ei gingtu, Khristian kichi-te'n i neih ngeingei ding ua hoih ahi. I niteng hinkhua a gingloute'n polam kilatna a a hon muh theih ding ua Khrist tanchinhoih i puankhiak theihna lampi hoihtak khat leng ana hi ahi. Ei a pathian uh, a heutu uh hileh kilawm a midangten hon hih ding ua phuut, kilam-et sangpi i neih mawk leh tawlhuai taka hinkhua zang hiding i hi. I hih banga thuk a om ding i hi chih thei a midangte tunga hoihna suah ding ahi, aban zaw Pathian in hih na ding ahi.
Ngaihtuah ding: Midang tungah bang chi'n ka om a, bang lungput ka nei a?
