Mother Teresa (Calcutta a Siengtho Teresa) tangthu tha limpia
“Amanece de Calcutta” (Calcutta Zingsol) kichi limpia tha khat akibawl a, Mother Teresa nasepna toh kisai ahia, etnop huoi mama. Pu Pope John Paul (St.Pope John Paul) tangthu na bawlte bawl ahi.
Tam limpia ah mi guh in Mother Teresa nasep tawnto nalai heh chia na anasepna uh leh a hinkhuo ana beisan didtahna uh tangthu ahi. Mun tuomtuom a amanu nasep mi tamtah in azom ua, ahi’n tambang nasepna mi josie’n apom nuom diehsih uhi.
Mother Teresa in hichi’n ana gen a: ‘Na tapa na deisih kei ei pie’n. Keima in na kem va ing tualeh na tapa kem ding innkuon khat na sui va ing. Ahi’n na tapa paimang sin.’ Mother Teresa in naulah jieh a leitunga kilemna om theilo ahi achi hi. ‘Nu khat in ata apaimang lang kalsie, bang e khuo leh tui in akineppi ding?’ achi hi.
Mother Teresa in ahinlai in mi lien mi lalte panpina tamtah ana mu hi. Ahi’n naulahna tungtangah koima ana gingsih hi. Naulah (abortion) kichi mawngmawng Pasian deisah ahisih a, mihing thana ahi achi tawntung hi.
“Calcutta Zingsol” kichi limpia kigen nuom thupi pen ahileh, hinkhuo hi ahutkhiet ding ahi, ipaimang dinguh ahisih hi. Tami limpia pen tu leh tu in Spanish ham ah akihawm a, nualam in Mangkam inzong ahing kile ding hi.
