Ukrainegam a John Kuncevic kichi tapa Josephat hi1580 kum in anapianghi. Ukrainian order (Siempu)khat asuohtan, sumbawl mikhat hinan 1604 kumtan ana khosahi. Tuajaw kumnga(5Yrs) jou in Byzantine biehinnah siempu(Priest) anasuoh tahi. Hagaulam akithuhil sahdingin mitampi’n anajuon pantau hi. Mipite tondan athei siemguoh hilouin, annngol jenaa thumna teleh athugente in mipi lunglai akuoi mamahi. Kumsawmthum -inVitebsk Bishop leh Archbishop of Polotsk anahita hi.
Mipite chimaw genthei leh hamsat laitah a tam Diocese ana sat ahijieh in buoina tampijong ana maituohi. Byzantine mite tawnleh khandan aa na khanglian ahijiehin Rome biehna danleh dunnte detahin ana juihi. Ahin,tam Rome danleh Latin dan pomlouleh dempawl khatjong anaum ua, tuate’n amahaw Bishop tuom jong ana kinei lai uhi. buoina lianpi jong ana piang tahi. Tammi buoina kala lemna bawlding in buoina mun Vitebsk khuoah ava kalsuan . Josephat tua muna aumlaitahin Siempu Elias kichikhat in ana maw pai a,khotang ngailou kein anasieu kawh tahi.Deocan khatin kilawmmaw seng sain tuo Siempu Elias innsungkhata ana khum tahi.
Tuabepin Siempu Elias hakhie-un chi’n mipite ana kiphin kiajel uhi.Adeina bangun tua siempupa anakiha khe nanle jong mipi sousangte in Bishop Josephat umna tana naw khumta uhi.Vuohleh sateng athuoh sah jou un November 12, 1623 in ana kaplum tauhi. Ahinkhuo pumpi kilemna leh kipumkhat nading anasem pa hepina neilou mihonpi khutah asitahi. Tambang chijathuoi sinaa tuoh na tungah mipite achi jaua, tuni tan jatatna lienpi tawh ana kiphawh jing hi.
#rvapastoralservice
