Mi siengtho Mother Teresa tangthu Film October chia honna um ding
Mother Teresa tangthu tatah apat ki bawl film min “Mother Teresa : No Greater Love’’ hing tung ding Ocoter 3 leh 4 chia USA khuopi 960 mun tumtuom ah kisuokhie (release) ding ahi. Tam film ahileh Leitung pumpi ah Catholic kipawlna lianpen the ‘Knight of Columbus’ kichite saina leh panlah toh tam film hing ki bawl hia tualeh Distributor Fathom Events te et-kaina toh sukhietna umding ahi. koitapou ticket lahnuom ten Online tungtawn ah ‘Online at Fathom Event’s ah na lah thei uhi.
Tam film hileh Mother Teresa shi jou kum 25 chinni ah ki suokhie ding ahi. Tam Film hileh 5 continents ah Charity of Missionaries umna mun jousie ah shooting kinei hia. Tam Film doi-leh-tup hileh Mother Teresa nasep hoina leh Charity Missionaries te nasepdan hoina talatna ahi.
Tam film bawlna directorpa David Naglieri in “ Charity of Missionaries ten minthanna leh lalna deisih ua, amate nasepdan film ki bawl theipen mipite lungsim suhkha din, miten tam film apat nasepdante muchiengun phattuompi va chi lammet ahi’’ chin gen hi.
Mother Teresa hileh kum 1910 August 26 ni’n Skopje in na pieng ah, tualeh kum 17 chin in Nganu siengtho jilna Loretto lut ah. Kum 1950 in India state Kiolkata mun ah Charity of Missionaries phutkhiet in, tunitan Charity of Missionaries leitung pumpi ah umtah ahin Headquarter Kolkata ah umnalai hi.
St. Mother Teresa in mizong,mingau, tagal eh midammo te tam Charity of Missionaries apat na enkol in kum 1979 in Nobel Peace Prize pie in na um a, kum 1997 September 4 ni’n na muolliem tah hi.
