Tuni May 13 ni’n Katholik Pawlpi in Pawi thupi khat anit a, Fatima a Tounu Mari Pawi (Our Lady of Fatima) ahi. 1917 Leitung Gaalpi Masa kipat kumin Tounu Mari Portugal gam a Fatima khuopi a tuching naupang thum kungah ana kilang hi. Naupangt teng lah a tahpen Lucy ahia tualeh uta gel Francesco leh Jacinta ahi uhi. Tunou achin laitah un Tounu Mari hi singbawh tung khat ah ahing kilang hi. Lucy leh Jacinta in amu masa a hinanleh Francesco in khigui asut masang sie in amu sih hi.
Leitung Gaalpi Masa kipat kum ahia adieh in Europe gam ah kilemna a umsih a, Europe pumpi gaal phuol ah a um hi. Tuajieh in Nu Mari in naupang thum te kungah thu ngen un, tahsa dehna bawl un, tuachin tami gaal ahing veng pan ding hi chi’n agen hi.
Tualeh Tounu Mari in nikhat naupang thum te meikuongpi gawtmun amusah a nuapang te ajau mama uhi. Tounu Mari in naupang thum teng kungah agen kia a, Leitunga kilemna a um nadingin thu ngen un tua ahisihleh tam sanga huoisie jo gaalpi ahing tung kia nalai ding hi achi hi.
Tam naupang teng hi naupang neu ahinalai ua ahi’n Tounu Mari in amaute kungah thu ana pie ahi. Amaute gam Portugal gam guoh adding hilou in Leitunga kilemna umthei nadingin, Pa Pasian lungthahna atheu thei nadingin thu ngen un chi’n Tounu Mari in amau teng thum thu ana pie ahi.
Naupang thum teng injong genthei liengvaina te ana thuoh nuhi. Jacinta leh Francesco jong naupang neu nou in asi gel a, Lucy pen kum 98 tan adam a ngahnu siengtrhou jong ana suoh ahi.
William Zo
