Mark 3:22-30
Jerusalem apat a hingpeisuh laigielten, “ Amapen Be-elzebul in amat ahi. Dawite mangpa’n apanpi a dawite adeldoh ahi,” chin agen uhi. Khumin akungah amaute ahaan a, tam bangin gentena thu agen hi. “ Bangchidan in Setan in Setan adeldoh thei diei? Kumpi gam khat ama-le-ama kikhenta leh, tua kumpi gam adingzou sih ding hi. Tualeh innsung khat ama-le-ama kikeeh khenta leh khumi inn sung adingzou sih ding hi. Tualeh Setan ama-le-ama kidouta henlen kikhenta leh adingzou sih dinga, amanthai ni ahing tung ding hi. Hinanleh mikhat in mihaat khat inn bulu a, avante alaahpieh ding chieng in mihaatpa akaanlawm masahlou leh abulu zousih ding hi. Mihaatpa kaanlawm masa leh bulu in avante alaahpiehzou ding hi. “Chitahtah in nakung uah kahing gen hi, mihing taten Pasian agensiet na jousie uh ngaidam ahi dinga, ahin Hagau Siengthou gense pouma ngaidam in aumsih ding a, kumtawn in mawna toh aumden ding hi.” Amau ten, “Hagau sienglou nei ahi,” achijieh uh ahi.
