Mark 2:13-17
Jesu’n Levi ahatna
Tualeh tuipi pangah avapawtdoh kia a, mipite a umna munah ahing kikhawm ua, tualeh aman thu ahil hi. Lampia ahing vaah leh Alpheus tapa Levi phiengsie donna inn a tou amu a, akungah, “Hing zui in,” achia, tuatah in ama ading paia azuita hi. Simon inn a annkuong a-iim laitah un, Jesu leh anuazuite, siedong te leh mawneite toh atoukhawm ua, ajiehpen anuazuite atam mama uhi. Tualeh Pharisaite lah a laigielte in, mawneite leh siedongte toh ann anehkhawm amubep un anuazuite kungah, “Bangdinga aman siedongte leh mawneite toh ann anehkhawm ahiei?” achi ua, Jesu’n tuami azaah bep in, akung uah, “Adamte adingin zatou apoimaw sih a, ahivang adamloute adingin apoimaw hi, midihtat haan dinga hingpei kahisih a, mawneite haan dinga hingpei kahizaw hi,” achi hi.
