Mark 1: 29-39
Jesu’n Peter sungnu adamsahna
Tualeh kikhopna inn apat apawt doh un James leh John toh Simon leh Andrew inn ah aluut uhi. Tuanah Simon sungnu chithuo in ana uma, anatnate Jesu atheisah pai uhi. Tualeh ama ahingpeia, akhut in akai thoua, achithuonate dampai in aneh-ataah uh abawlpiehta hi. Jesu’n mi tampi adamsahna Tua nitah, ni tumjou in, damlou jousie leh dawipaite akungah ahing zawpi ua, khopi sunga mi jousie kotphung ah ahing kikhawm uhi. Tualeh natna tuomtuom nei tampi a damsah a, dawi tampi zong adeldoh hi. Dawiten ama athei jieh un ahaamkhiet ding uh aphalsih hi. Jesu thuhoi gen dinga akuonkhietna Tualeh zingkaal nisuoh masangin athou a, munsip khat ah pei in, ava thuum hi. Tualeh Simon leh aumpiten ama azui ua, ava mudoh ua akungah, “Mi jousien ahing sui uhi,” chin agen ua, aman akung uah, “Abaan a khuo ah peivai, tuanah zong thu kagenthei nadingin, tuami dinga hing pei kahi,” chin agen hi. Tuachin ama Galili gamsung munchin ah apeia, akikhopna inn sunglah uah thu agen a, tualeh dawite adelhdoh hi.
