LUKE 21:20-28
Jesu’n Jerusalem suhmang ding agen masahna
“Gaalkapten Jerusalem akiim kot uh namu chieng un amanthai nading hun anaita chi thei un. Khumin koipou Judea gam a umte muol ah tai uheh, tualeh koipou khopi sunga umte pawtkhie uhenlen khopi pulam a umte zong asung ah luutsih uhen: ajiehpen tua thu kigiel jousie ataangtun nadinga tuami ni khu phuba laahni ahing hiding hi. Tuami ni chieng in nau nawi teepsah laite tung agih hi! Ajiehpen leitung ah sil hamsa a tung ding hi, tualeh mihing jousie tungah lungthahna atung ding hi; tualeh amau namsau in adou ding ua, nam jousie lah ah suoh a pui in ahing umding uhi, tualeh Jentelte hun* atunkim masangsien Jerusalem Jentelte totpha in aum ding hi. Mihing Tapa hingpeina “Tualeh nite, hate leh ahsite ah chiemtena ahing um dinga, tualeh leitung ah namchin hasatna leh mangbatna um ding khu tuipi kinawh ging abang ding hi. Leitung a sil hing tung dingte mihingten angaituo jieh un zau in abuhshi ding uhi; ajiehpen, van silbawlthei na hing kiliing ding ahi. Khumi hun chieng in Mihing Tapa asil bawltheina leh aloupina saangpen toh van a meilum lah a hingpei khu amu ding uhi. Khuchia silte ahing tun chiengin daahtou unlen en un; ajiehpen, na kitatkhietna ni ding uh anaita hi,” achi hi.
