LUKE 21:12-19
Hinanleh hichibang silte ahing tun masang in amauten nou ahing man ding ua, kikhopna innte leh thong sungte ah ahing khum ding uhi. Khuchin ahing bawl genthei ding ua, ka min jieh in leengte leh uhpite maiah pui in naum ding uhi. Hichibang silte khu nou a dingin theisahna ahing hi ding hi. Tuajiehin bang kachi dawn ding ahiei chia na kingaituo masatlou na ding un na lung uh detsah un; ajiehpen, na meelmate un ahing dou zoulou nading uleh ahing nan zoulou nading un kam leh pilna ka hing pe ding hi. Nanu napate, na u na naute, na be na phungte leh na lawm naguolte ngeel zong nou pekhie a hing pang ding uh ahi ua, na lah ua khenkhatte ahing that ding uhi. Ka min jieh in mite huot in na um ding uhi. Hinanleh na lu ua sam jangkhat zong amangthang sih ding hi. Na thuohaatna un ahing hundam ding hi.
