Luke 23:35-43
Tuachin mipite akung uah ading ua, a en uhi; hinanleh vaihawmten ama a el-hou ua, akungah, “Midang ahundoh a, Pasian deitah Khrist ngeel ahileh ama zong kihundoh leh avele!”achi uhi. Gaalkapten zong ama anuisan ua, akungah ahingpei ua, zupawng apie uhi; tuachin agen ua, Jiute Kumpipa nahileh nangma-le-nangma kihundoh in,” achi uhi. “Tami Jiute Kumpipa ahi,” chia kigiel atungah a kisuong hi.
Guta hoi
Tualeh migilou kikhaite lah a khat in azawnhou a, “Khrist na hisih amah? Kihundoh inlen, kou zong hing hundohta ven!”achi leh a khatpen in ama ana phawh a akungah “Akibanga hing kigawt lam theilou in nang in Pasian na giing sih amah? Eigeel pen gawttaah mawng ihi, ajiehpen ibawlkhiel man ikimu ahia, hinanleh tampa’n bangma silsie abawlsih hi,” achi hi. Khuchin aman “Jesu aw, na gam natun chieng hing mangngil vawtsin aw!” achi hi. Khumin Jesu’n akungah, “Chitahtah in kahing hil ahi, tunin kei toh Paradise ah i umkhawm ding hi,” achi hi.
