LUKE 20:27-40
Mishi thaw tungtaang thu dohna
Asim: Nu Margret Nianghau Nuom
Khumin thawkiana aumsih hi chi Saddukai khenkhatte akungah ahingpei ua, akungah hichibangin thudohna abawl ua: “Siepa Mousi in pasal khat a sanggampa ashi a, a zi khu ta neilou a anuasie leh, a sanggampa dinga tapa ahinpiehthei na dingin a kiteenpi ding ahi chin a hing na gelpieh hi. Tualeh, tu’n unau pasal sagi aum uhi; atahpeenpan zi anei a, ta neilouin ashita hi; tualeh anina pa, tualeh athumnapan zi in anei a, a unau sagi un kibang chiet in ta neilouin ashisan chietta uhi. Amauteng nua in numeinu zong ashita hi. Khuchi hileh thawkia ni chieng in amanu khu koipen zi ahita diei? Ajiehpen a sagi un zi in ana nei chiet uhi,” achi uhi. Tualeh Jesu’n akung uah, “Leitung mihingte akiteeng ua tualeh zi-le-ta in akilatuo uhi; hinanleh mishite lah akipat thawkia ni a pangthei numei pasalte a dingin kiteenna aumkia nawn sih ding hi. Amaute ashikia thei nawnsih ua, ajiehpen ama uh vansawlsiengte bang ahita ua, thawkiana tate ahijieh un, Pasian tate ahita uhi. Hinanleh mishite athoukia hi chipen Mousi in zong theubawh tungtaang thu ah apuongkhie a, Topa khu Abraham Pasian, Isaak Pasian, Jakob Pasian ahi achi hi. Ama khu shina Pasian ahisih a, hinna Pasian ahizaw hi, ajiehpen, mi jousie ama akipat a hing ahi chiet uhi,” achi hi. Khumin laigielte khenkhat in akungah, “Siepa, na gen a dih hi,” achi uhi. Ajiehpen amauten tuami nua in thudang mawng mawng adong ngam nawnsih uhi.
