Luke 19: 1-10
Jesu leh Zakai
Jesu Jeriko khuo ah aluut a, a peisuoh hi. Tuanah mi khat amin Zakai kichi siedong lamkai khat aum a, ahausa mama hi. Tualeh aman Jesu bangchibang mi ahiei chi amu nuom a, hinanleh mipite jieh in amutheisih a ajiehpen ama mi din ngiem ahi. Tuachin ana matai a, a-en dingin theipi kungah ana kaltou hi, ajiehpen aman tua lampi ahing zui ding ahi. Tuachin Jesu tua mun ahing tun in adaahtou a akungah, “Zakai, hingkum meng in, tunia na inn a tung ding kahi,” achi hi. Khumin ama kintah in ahing kum pai a, kipahtah in Jesu azintunta hi. ‘Tuachin amau ten tuami amu chieng un,“Mimaw mikhielpa inn a tung dingin apei tave,” achi ua, a unpi un aphunnawita uhi. Khumin Zakai ading a Topa kungah, “En vawi, Topa, kanei jousie akimkhat mizawngte kape dinga, tualeh koipou ka nasolh khaahtah leh aleli a tamzaw in ka sang ding hi,” achi hi. Tuamin Jesu’n akungah, “Tuni’n tami inn sungah hundamna ahing tungta, ajiehpen ama zong Abraham tapa ahi. Bangjieh ahiei ichileh mangthangte suikhie a hundam dinga Mihing Tapa hingpei mawng ahi,” achi hi.
