LUKE 15:1-10
Gentena thumte: Pasian lungsietna
Khumin siedongte leh mikhiel jousie athugen ngai dingin ahing kuon uhi. Tuamin Pharisaite leh laigielte a phun chiet ua, “Tam mipan mikhielte apom a, ann pou anehpi hi,”achi hi.
Keelnguoi mang
Khuchin aman tam gentena thu akung uah agen a, “Noute lah a mi koi ahiei khat in keelnguoi zakhat nei henlen, alah ah khat mangsah taleh, sawmkuolekuote gamdai a nuasie in amangpen amu masangsie va suilou ding koi nahi uoi? Tualeh aman amukiatah in kipahtah in a liengkou ah apuo hi. Tuachin inn ahing tunbep in alawmte leh a innveengte akou khawm a akung uah, ‘Hing kipahpi un, ajiehpen ka keel nguoi mangpen ka mukiata hi,’ achi ding hi. Khuchi mabangin kahing hil nahi uhi, midih kisia nading kaan neilou sawmkuolekuote tung sangin mikhiel khat kisiana tungtaang thu ah van ah kipahna aum zoding hi.
Dangka mang
“Ahisihleh numei koi ahiei khat in dangka sawm nei henlen, khat mangsahta leh meivah de a inn phiet in amu masangsie lungluuttah a suilou ding koi ahiei? Tualeh amukia chiengleh alawmte leh a innveengte ahaankhawm a,‘Hing kipah pi un, ajiehpen ka dangka mansuo kanua muta hi,’achi hi. Kahing hil ahi, khuchi mabangin Pasian vansawlsiengte lah ah mikhiel khat kisiana tung ah kipahna aum hi.”
