LUKE 14:25-33
Nuazui hina man
Tualeh mipi tamtah in ama a zawpi ua, tuamin ama akinuahei a akung uah, “Koi hitaleh kakunga hingpei in, apa, anu, azi, atate, asanggampate, asanggamnute leh ama hinna saanga ahing it zawh sihleh kanua zui ahitheisih ding hi. Koi hinanleh ama singlamte ngeel akipuoh a kanua ahing zui sihleh ka nuazui tahtah ahitheisih ding hi. Ajiehpen, koi hinanleh inn saang lamding a kiguongpan, bangza aluut diei, a zou diei a zousih diei chia ngaituo masalou na lah uah koi amah? Khuchi hilou in inn ning suongphum phumzou henlen a baan zom zoulou in lamzou nawnsih leh amu jousien anuisan ding ua, akungah,‘Tampa’n inn lam a pan a, azoutheitasih hi,’ achi khum ding uhi. Ahisihleh leeng khat in leeng dang kidoupi ding chin kuon henlen, tuanah tou masa phot a, ama hing dou dingpa khu mi tul ni toh hing kuon taleh ama mi tul khat toh kituoh dingin angap leh angaplou ngaituo masalou ding koi ahiei? A khuchi vanglah sihleh adangpen gamlapi a aum lai in kilemna thuchiem vagen dingin patong asawl ding hi. Khu chi ahijieh in, noute lah ah zong anei alam nuasielou pouma khu ka nuazui ahitheisih ding hi.
