LUKE 14:15-24
Kinunna pawi gentethu
Annkuong iimte khat in hichibang thute azaahbep in akungah, “Pasian gam a ann ne dingte khu a hampha uhi” achi hi. Hinanleh aman achielte akung ua “Mi koi ahei khat in pawi thupitah khat a bawl a, mi tampi achiel hi. “Tuamin ann neh hun ahing hibep in aman achielte kungah, ‘Hing peita un, bangma jousie akimanta hi,” chia vagen dingin asuohte asawl hi. Hinanleh amauten kithu tuohtah in akilep chiet uhi. Amasapan akungah,“Ken lou khat ka lei a, ka va kuon a ka va et apoimaw a, nahing ngaisiem ding kahing ngen hi,”achi hi. Tuabangin khat in, “Bawngtal kop nga kalei a, tuate ahoileh ahoilou enchien dingin kava kuon ding hi; tuajieh a nahing ngaisiem ding kahing ngen hi,” achi hi. Tualeh adang khat in zong,‘Kei zong zi kanei a, tuajieh in kahing peithei sih hi,’ achi hi. Khuchin asuohpa ahingpei a, tambang thute apupa kungah ahing tutta hi. Khumin tuami inn-neipa khu alungthah a, asuohpa kung ah,‘Gawldung gawlvai, aning akaah ah peikin inlen, mizawngte, mipiengsuolte, mitto, kheelbaite tamsung ah hing pui in’ achi hi. A suohpa in apu kungah, ‘Pu aw, nahing thupieh bangin kabawlta a, hinanleh mun a awng nalai hi,’ achi hi. Khumin apu in asuohpa kungah, ‘Lamlien leh dai geiah pei inlen ka innsung adim nadingin mi va zawlluut teitei in. Ajiehpen kahing hil ahi, ka mi chielte khatbeh in ka pawi bawl annkuongluina achiempha sih ding uhi,’ achi hi.
