Luke 12:8–12
Mihingte mai a Khrist phuon khiet
“Tualeh kahing hil ahi, mihingte mai a kei hing hunte khu Mihing Tapa in zong Pasian vansawlsiengte maiah ahun ding hi. Hinanleh mihingte maia kei hing kitheimawbawlte khu Pasian vansawlsiengte maiah theimawbawl in aum ding uhi. Tualeh Mihing Tapa gense tapou ngaidam in aum ding ua, hinanleh Hagau Siengthou gensie poumate khu ngaidam in aumsih ding uhi. Tuachin kikhop na innte leh vaihawmte leh thuneite maia ahing pui chieng un, bang kagenta diei, bang in kadawngta diei chin lungdong sih un. Ajiehpen khumi hun chiengin Hagau Siengthou in nagen ding uh ahing theisah ding hi,” achi hi.
